Bilimniń bastaýy kitapta ekeni sózsiz.  Alaıda jasóspirimderdiń  kitaphanaǵa barýynyń sırep ketkeni jasyryn emes. Osy oraıda batysqazaqstandyq kitaphanashylar   qundy ádebıetterdi elektrondy júıege kóshirip, smart telefondar arqyly oqýǵa múmkindik jasaýda. Ásirese poıyz jolaýshylaryna  «Jolaýshy, jolǵa kitap al » aksıasy aıasynda Ǵabıt Músirepovtiń, Ǵabıden Mustafınniń, Maǵjan Jumabaevtyń, Muhtar Maǵaýınniń, İlıas Jansúgirovtiń, Qadyr Myrza Áli  kitaptarynyń elektrondy siltemesi usynyldy.

Osy oraıda aıta ketsek, oblystyń jalpy qorynda  5 mıllıon 650 myń kitap  bar. Oqyrmandar sany 300 myńnan asady. Aýyldyq jerlerdegi 14 kitaphananyń óz saıttary bar. Al qorda sırek kezdesetin 25 myńdaı basylym saqtalǵan. Olardyń qatarynda 18-19 ǵasyrlarda shyqqan týyndylar, kólemi óte shaǵyn jáne tanymal adamdardyń qoltańbasymen jazylǵan sondaı-aq latyn qarpimen jazylǵan qazaq tilindegi ádebıetter bar. «Kitaphanalar  jelisiniń aldyndaǵy mindet – osynaý baǵa jetpes baılyqty elektrondy formatqa kóshirý», - deıdi mamandar.

Oral shaharyndaǵy Juban Moldaǵalıev atyndaǵy oblystyq ǵylymı kitaphanasynyń tarıhy  1871 jyldan bastaý alady. Ol kezde kitaphanada nebári 4750 dana kitap bolǵan. Keıin kitaphana 1947 jyly Oraldaǵy eń kóne tarıhı eskertkish  ǵımarattardyń biri sanalatyn «Karev úıine» kóshirildi. Búginde  kitaphananyń 22 myńdaı oqyrmany bar.

• Kitaptyń sórege jetýinen oqyrmanǵa jetýine deıin úlken tehnologıalyq prosesterden ótedi. Buryn kitap bútindigine jıi qadaǵalaıtyn edik. Sandyq tehnologıaǵa kóshe bastaǵanda oqyrmandar úshin tıimdi joldy tańdap, kitaptardy elektrondy júıege kóshirip bastadyq. Kez kelgen adam kitapphanaǵa kelmeı, úıde otyryp-aq tom-tom kitaptardy oqı bastaýda.  Qazirgi tańda birneshe ádebı kitaptar elektrondy júıege kóshti,- deıdi mamandar.